「國泰有種just culture，有事just report，講出嚟就得，不會有懲罰。」譚文豪指，國泰過去為航空安全著想，鼓勵員工將問題提出，由此建立空中王國。這種鼓勵report文化，近日演變為員工report黃絲同事(篤灰)，人人自危。國泰就如由鐘擺的一面、走向鍾擺的另一面；由對工會最開放的英資，變為最白色恐怖的親中機構。
譚文豪在國泰任職18年，最能體會國泰的管治劇變。早前他辭去國泰機師，意欲保護國泰，對國泰仍存有感情。有傳國泰的清算名單高達200人，他狠批是篤灰者將個人政治立場凌駕公司利益，又質疑今次打壓是趁機扶植中資航空，或是迫太古出售國泰。一國永遠大於兩制，國泰毫無反抗籌碼，「好心酸，因為你能夠做嘅嘢接近無。」
反修例逆權運動中，以國泰為首的航空界於機場罷工，觸發之後癱瘓機場的「和你飛」抗爭。槍打出頭鳥，國泰上至行政總裁，下至後勤通通被清算，只要有支持運動的言論，就能直接解僱。即使如此，國泰員工未有禁聲，更發動包圍國泰城抗議公司決定。
抗爭文化：
這種抗爭文化，一直流在國泰人的血中，譚文豪亦曾挺身爭取、將港人機師與外籍機師的福利睇齊，「見到不妥就發聲，大家講嘢都唔驚講出嚟俾人笑、俾人鬧。」高官逃避問題，可能繼續意氣風發；機師無視航班安全問題，是會死人。「過去好多災難，唔係無人發現，係無人敢發聲。」性命尤關下，培養出航空界對於「問題」、「唔妥」很敏感。
故薪酬不滿意，罷工；空中服務員55歲強制退休，罷工；空姐多年來被強制著裙，罷工。甚至見到香港出問題，2012年反國教運動、14年雨傘革命，工會亦有發聲與港人同行。譚文豪認為國泰管理層包容的並非政見，而是發聲的空間，「一間健康嘅公司，一定要容許員工發表意見，唔係員工愈來愈唔敢出聲。」
國泰是英資企業，要融入華人長幼有序、輩份涇渭分明的社會中，國泰亦刻意培養寬容、開放的文化，讓員工勇於面對問題，「你緊係想員工老實講(出了問題)，好過冚住，所以即使犯錯，違反公司指引，但如果係有良好意願，有咩嘢都係just report，唔會懲罰。」
篤灰文化：
回歸前內地一直想染指香港航空業，太古數次引入中資作為股東，確保回歸後江山依舊。太古亦有訂立條款，對國泰擁控制權，包括當太古仍作單一大股東或持股3成以上，就能佔董事會大多數席位，及主席一職交由太古提名等。
如何防範，仍難逃跪低。譚文豪8月20日主動放下國泰機師的身份，期望能換取民航局「撤回」對國泰的打壓，「我無犯法，又已經無飛(後期他已轉任培訓)，但我唔想令內地有藉口，尤其我同依間公司咁深厚感情。」然而打壓沒有因國泰跪低、譚文豪辭職停止。
國泰開放的文化因內地打壓受損，而將其徹底摧毀乃是內部篤灰，「依家第一件事睇你藍定黃先，之後先決定點『做』你，咁咪唔健康，無人敢出聲，依家唔出聲最安全。」白色恐怖下，暢所欲言變成自我審查，令國泰未變成中資，已經沾染上了相關習性。
譚文豪斥他們罔顧公司，「你將自己嘅政治立場，凌駕公司利益，不單出賣同事、佢屋企，亦令公司永遠在新聞出現。民航局用顯微鏡睇公司，如果公司再受任何制裁、懲罰，依班員工要負好大責任。」
國泰無得反抗：
譚文豪亦質疑打壓是趁機扶植中資航空，或是迫太古出售國泰。「林鄭話私人企業內部運作，政府唔應該有角色。但唔好意思，中國政府唔係咁睇。」
一國永遠大於兩制，「好心酸，因為你能夠做嘅嘢接近無。」連登仔對外登報尋求外國勢力援助，國泰人未能仿傚，他形容中國如同「閂門打仔」一樣，「香港在國際民航組織無say，好似上海同深圳有空域問題，唔能夠上升到國際層面，話中國咁對我地唔公平，佢處理唔到。」
「會唔會迫太古賣盤，扶植中資取締國泰呢，依個都有可能。」國泰受打壓、崩壞，仿佛香港的縮影，「有律師掛牌，律政司都出信反對，唔好話幾多年前，3個月前都無人諗過會發生係香港。」他預計航空業以外，更多專業界會受打壓，「會計師可以話你有機會洩露國企機密，教師可以話你荼毒學生，廚師話你唔知加咗咩料。」
https://hk.finance.appledaily.com/finance/realtime/article/20190830/59987042
No comments:
Post a Comment