【儼如戒嚴】
【本報訊】特首林鄭月娥首場社區對話在反修例風暴籠罩下展開，但「和理傾」未開始，灣仔區率先進入戒嚴狀態。對話主場伊利沙伯體育館附近街道如臨大敵，衞生署多間診所及公眾泳池等提早關閉，連中、小學都要提早放學。有商戶預料生意慘淡索性提早關門，料損失近七成營業額，直斥政府搞場大龍鳳。有市民批評政府過份緊張，安排擾民。
記者：張雅婷 李雨夢
對話前夕，灣仔區儼如死城。伊利沙伯體育館工作人員昨早搬鐵馬及大型安檢機到會場，有警員在附近一帶巡邏，亦有速龍小隊持槍戒備。運輸署早前已在伊館對出的愛群道公眾泊車錶位附近貼出通告，指車位早上8時至晚上10時會暫停。使用附近崇德街的士站亦要臨時取消。食環署職員將附近一帶的垃圾桶運走。
有食店預計生意會因此受影響，索性提早關門。位於摩理臣山道的食肆負責人張先生指，餐廳原本營業至凌晨1時，但眼見附近的咪錶位都封了、車輛只能限時停泊，料生意會受影響，索性提早至下午3時關門，營業額料失近七成。他批評警方未有提早通知封路，「有啲似搞場大龍鳳」。有小食店職員不滿對話擾民：「對我哋生意影響都幾大，唔需要做到咁擾民，如果真係對話，唔需要咁多警察洗太平地。」
職業訓練局大樓亦考慮到學校附近可能會有交通管制，讓學生提早放學，該校學生揶揄林鄭令他們「冇書讀」，「安排幾諷刺，啲藍絲成日話我哋唔讀書，掛住示威，但𠵱家就因為林鄭，搞到我哋冇書讀」。
區內約十間中學都提早放學，孫兒就讀小四的劉婆婆抱怨對話為她帶來麻煩，「平時放3點㗎嘛，𠵱家要我哋提早嚟，都係掉低啲工夫（家務）嚟湊佢（孫兒）」。劉婆婆指，前日才得悉提早放學的安排，覺得辦一場社區對話「搞到我哋人心惶惶」。
相關新聞：千人要求會面 特首困伊館
泳池診所投注站提前關門
伊館對面的聖公會鄧肇堅中學也提早至下午1時25分放學，學校外不時有警察及警車巡邏，中五學生黎同學認為對話擾民，而且無用：「冇人想同佢（林鄭）講嘢，冇人想同佢對話，佢自己同自己對話算啦」，她認為惟有政府正面回應市民訴求，才能紓緩目前局勢。
在伊館附近一帶的康文設施、診所等服務同樣大受影響，衞生署表示，灣仔牙科診所、鄧志昂母嬰健康院、灣仔男性社會衞生科診所、灣仔女性社會衞生科診所、灣仔胸肺科診所、香港公務員診所及旅遊健康中心（香港），於下午4時提早關閉，已預約者將獲安排另約診症時間。摩理臣山游泳池同樣提早至4時關閉、春園街的投注站亦提早落閘。
【本報訊】特首林鄭月娥首場社區對話在反修例風暴籠罩下展開，但「和理傾」未開始，灣仔區率先進入戒嚴狀態。對話主場伊利沙伯體育館附近街道如臨大敵，衞生署多間診所及公眾泳池等提早關閉，連中、小學都要提早放學。有商戶預料生意慘淡索性提早關門，料損失近七成營業額，直斥政府搞場大龍鳳。有市民批評政府過份緊張，安排擾民。
記者：張雅婷 李雨夢
對話前夕，灣仔區儼如死城。伊利沙伯體育館工作人員昨早搬鐵馬及大型安檢機到會場，有警員在附近一帶巡邏，亦有速龍小隊持槍戒備。運輸署早前已在伊館對出的愛群道公眾泊車錶位附近貼出通告，指車位早上8時至晚上10時會暫停。使用附近崇德街的士站亦要臨時取消。食環署職員將附近一帶的垃圾桶運走。
擾民大龍鳳
學生早放：搞到我哋冇書讀
有食店預計生意會因此受影響，索性提早關門。位於摩理臣山道的食肆負責人張先生指，餐廳原本營業至凌晨1時，但眼見附近的咪錶位都封了、車輛只能限時停泊，料生意會受影響，索性提早至下午3時關門，營業額料失近七成。他批評警方未有提早通知封路，「有啲似搞場大龍鳳」。有小食店職員不滿對話擾民：「對我哋生意影響都幾大，唔需要做到咁擾民，如果真係對話，唔需要咁多警察洗太平地。」
職業訓練局大樓亦考慮到學校附近可能會有交通管制，讓學生提早放學，該校學生揶揄林鄭令他們「冇書讀」，「安排幾諷刺，啲藍絲成日話我哋唔讀書，掛住示威，但𠵱家就因為林鄭，搞到我哋冇書讀」。
區內約十間中學都提早放學，孫兒就讀小四的劉婆婆抱怨對話為她帶來麻煩，「平時放3點㗎嘛，𠵱家要我哋提早嚟，都係掉低啲工夫（家務）嚟湊佢（孫兒）」。劉婆婆指，前日才得悉提早放學的安排，覺得辦一場社區對話「搞到我哋人心惶惶」。
相關新聞：千人要求會面 特首困伊館
泳池診所投注站提前關門
伊館對面的聖公會鄧肇堅中學也提早至下午1時25分放學，學校外不時有警察及警車巡邏，中五學生黎同學認為對話擾民，而且無用：「冇人想同佢（林鄭）講嘢，冇人想同佢對話，佢自己同自己對話算啦」，她認為惟有政府正面回應市民訴求，才能紓緩目前局勢。
在伊館附近一帶的康文設施、診所等服務同樣大受影響，衞生署表示，灣仔牙科診所、鄧志昂母嬰健康院、灣仔男性社會衞生科診所、灣仔女性社會衞生科診所、灣仔胸肺科診所、香港公務員診所及旅遊健康中心（香港），於下午4時提早關閉，已預約者將獲安排另約診症時間。摩理臣山游泳池同樣提早至4時關閉、春園街的投注站亦提早落閘。
No comments:
Post a Comment